დღევანდელი დღე  ჩემთვის ძალიან გრძელი იყო, დილიდან სკოლაში ვიყავი.. დავასრულეთ ყველა ნამუშევარი,შევქმენით ფასილიტაციის კითხვარი,განვიხილეთ პორტფოლიო თავიდან ბოლომდე...ტრენერი ძალიან კმაყოფილი დარჩა.💔💔💔💔

  დღეს სხვანაირი  დღე მქონდა , მეორე ჯგუფთან ერთად ვიყავი ტრენინგზე...ახლა კარგად მესმის ჩვენი ტრენერის და თანავუგრძნობ..💔💔💔💔
 შევავსეთ და განვიხილეთ პრეზენტაციებისა და დისკუსიების შეფასების რუბრიკები, გადავიტანეთ ყველა ინფორმაცია დრაივზე და ბლოგზე.

მოსწავლის პრეზენტაცია

ერთკვირიანი შესვენების შემდეგ მუშაობა ისევ განვაახლეთ...განვიხილეთ მესამე მოდული, ავაწყვეთ  და განვიხილეთ მოსწავლის პრეზენტაციები;საინტერესო და ნაყოფიერი  დღე გვქონდა.

   ოოოოო...ჯერ სად ხარ თურმე..

იმდენი გვამუშავა მაიამ, აღარ ვიცი რა ვთქვა...ისევ განვიხილეთ პრეზენტაციები,ჩვენი ბუკლეტები:შევავსეთ  გეგმის შეფასების ნაწილიც და დავალებები, ვაი, რამდენი დავალებები  გვაქვს...

☺☺☺☺

დღეს მეოთხე დღეა ტრენინგის...
ჩემთვის ძალიან დამღლელი იყო,დამჭირდა ძალების მაქსიმალური მობილიზება ყველაფრის შესასრულებლად...😌

მესამე დღის რეფლექსია

       დღეს გავეცანით პრეზენტაციას პროექტის მიმართულების მიმცემი  შეკითხვების შესახებ. განვიხილეთ მათი მახასიათებლები და ვისაუბრეთ ჩვენი პროექტის ზოგადი,თემატური და შინაარსობრივი შეკითხვების  შესახებ. პროექტის საკვანძო  შეკითხვები განვათავსეთ ბლოგზე და შევუფასეთ ერთმანეთს ნამუშევრები  კომენტარების სახით.საკმაოდ შინაარსიანი დღე იყო.😚😚

პროექტი: ყველაზე,ყველაზე,ყველაზე...

მიმართულების  მიმცემი  საკვანძო კითხვები

ზოგადი კითხვა:  (აქედან  რომელიმე)

   როგორია ადამიანთა  ცხოვრება დედამიწის სხვადასხვა ნაწილში?

   არის ადამიანთა ცხოვრება მრავალფეროვანი?
   როგორ ფიქრობთ,  სამყარო  ,,  გვაქვს უთვალავი ფერითა’’?

თემატური  კითხვები:

რას ნიშნავს ექსტრემალური ადგილები?

რა იცით მათ შესახებ?

რატომაა  რთული ცხოვრება  ექსტრემალურ ადგილებში?

ისურვებდით ასეთ ადგილებში ცხოვრებას  და თუ კი, როგორ  ადგილს აირჩევდით საცხოვრებლად?

შინაარსობრივი  კითხვები:

რომელია დედამიწის ყველაზე ცივი დასახლებული ადგილი?

როგორია კლიმატი ( მაქსიმალური და მინიმალური ტემპერატურა)?

რომელია დედამიწის ყველაზე ცხელი დასახლებული ადგილი?

რომელია დედამიწის ყველაზე მაღალი  დასახლებული ადგილი?

რომელია დედამიწის ყველაზე შორეული  დასახლებული ადგილი?

რითია გამორჩეული ეს ადგილები და რა პრობლემებია იქ?